احمد بن حنبل

اقتباسات

حیات امام احمد بن حنبل (مصنف امام ابوزھرہ المصری) سے اقتباسات

• جو شخص رسول اللہ صلی اللہ علیہ وسلم کی کوئی حدیث رَد کرتا ہے ‘ وہ ہلاکت کے کنارے کھڑا ہے۔
  • حیات امام احمد بن حنبل، صفحہ 26۔
• میں نے رسول اللہ صلی اللہ علیہ وسلم کی کوئی حدیث نہیں لکھی جس پر خود بھی عمل کرنے کی کوشش نہ کی ہو۔
  • حیات امام احمد بن حنبل، صفحہ 26۔
• خبردار! کسی ایسے مسئلہ میں سخن طرازی نہ کرنے لگنا، جس میں تمہارا کوئی امام اور رہبر نہ ہو۔
  • حیات امام احمد بن حنبل، صفحہ 26۔

مکتوبات احمد بن حنبل سے اقتباسات

• ایمان قول و عمل کا مجموعہ ہے۔ اِس میں کمی بیشی ہوتی رہتی ہے۔ تم نیک کام کرو گے تو ایمان میں زیادتی ہوگی، اور برے کام کرو گے تو نقصان ہوگا۔ ہوسکتا ہے کہ آدمی ایمان سے خارج ہوکر اسلام میں داخل ہوجائے، اگر توبہ کرے گا تو پھر ایمان میں داخل ہوجائے گا اور اسلام سے سوائے شرک باللہ کے کوئی چیز نہیں نکال سکتی، یا فرائض ِ خداوندی میں سے کسی فریضہ کا منکر ہوکر اُسے رَد کرے تو کافر ہوتا ہے اور اگر کوئی فریضہ صرف کسی اور کوتاہی سے ترک کیا ہے تو اُس کا معاملہ خدا کی قدرت و مشیت کے حوالہ ہے، اگر وہ چاہے تو عذاب دے، اور اگر چاہے تو درگذر فرمائے۔
  • مکتوبات امام احمد بن حنبل، صفحہ 27-28۔

• میں حکم کرتا ہوں کہ آپ لوگ قرآن پر کسی چیز کو ترجیح نہ دیں۔ قرآن اللہ کا کلام ہے، جس چیز کے ذریعہ اللہ نے کلام کیا، وہ مخلوق نہیں ہے۔ جن الفاظ کے ذریعہ قرونِ ماضیہ (گذشتہ واقعات) کی خبر دی ہے، وہ غیر مخلوق ہیں، لوحِ محفوظ میں جو کچھ ہے، وہ بھی غیر مخلوق ہے۔ جو شخص اُسے مخلوق کہے، وہ کافر ہے اور جو ایسے لوگوں کی تکفیر نہ کرے، وہ بھی کافر ہے۔
  • مکتوبات امام احمد بن حنبل، صفحہ 27۔

• دنیاء اور سلطنت‘ بیماریاں ہیں اور عالمِ دین طبیب ہے۔ جب تم اُس طبیب کو دیکھو کہ اِس بیماری کو اپنی طرف دعوت دیتا ہے، تو ایسے عالم سے تمہیں پرہیز لازم ہے۔
• مکتوب بنام سعید بن یعقوب ، مکتوبات امام احمد ، صفحہ43۔

مزید دیکھیے

• رسول اللہ صلی اللہ علیہ وسلم
• امام شافعی

کتابیات

• ابو زھرہ المصری: حیات امام احمد بن حنبل، مترجم رئیس احمد جعفری، مطبوعہ لاہور، 1956ء۔
• قاضی اطہر مبارکپوری: مکتوبات امام احمد بن حنبل، مطبوعہ مکتبہ الفہیم، مئوناتھ بھنجن، اترپردیش، بھارت، نومبر 2006ء